蔡卓妍熱戀期粉紅泡泡滿瀉分享浪漫氣氛感重要元素 - myTV SUPER

踏入新一年，蔡卓妍（阿Sa）愛情事業兩得意，早前親口承認跟年輕10歲嘅健身教練男友Elvis同居試婚，與男友感情既開心又穩定。阿Sa早前喺一個新春開年活動上，獲堪輿學家李丞責師傅批馬年運程暢旺之餘，又有男友甜蜜相伴，相信今年甜蜜滿載。

阿Sa近日受邀拍攝「戀愛聖地大公開」特輯，化身「戀愛嚮導」分享點樣營造浪漫氛圍，阿Sa笑稱維港海景係告白嘅浪漫場地，海旁就係多年嚟港人嘅拍拖聖地，望住整個海景就有一種山盟海誓嘅感覺，而平時好多港人都鍾意吹海風睇日落好Chil。

阿Sa坦言熱戀期係形影不離，似朱古力咁甜蜜，連呼吸都覺得幸福，佢亦指住不遠處碼頭，話幻想與另一半踏上郵輪假期，製造浪漫回憶，阿Sa仲話覺得收花係一種被重視嘅感覺，而紫玫瑰象徵獨特永恆嘅愛，睇落男友要識do啦！