鄭秀文率17演員重錄《星秀傳說》阿Dee、阿卵化身Rapper明星MV大狂舞

天後鄭秀文（Sammi）日前為賀歲片《夜王》領軍 17 位演員重新錄製經典快歌《星秀傳說》，並同時拍攝 MV。此次再現鏡面舞廳風格會，電影導演兼編劇吳煒倫提出建議，希望將 Sammi 的這首舊作改編成新版本，並加入 Rap 元素。Sammi 表示，「今日為電影歌曲錄音同埋拍 MV，呢個 idea 來自導演，佢搵返我好多年前嘅歌放入電影，呢首歌好啱電影講嘅時代背景。當導演有呢個 order 時，我就諗可以加啲 Rap 上去。」她選擇了阿卵（楊偉倫）與阿 Dee（何啟華），由這兩位負責 Rap 部分。

阿卵與 Dee 哥戴上黑超、穿上毛毛大褸，造型感十足，還滿口九唔搭八英語扮 Rapper 巨星，一時話 I Love Hong Kong，一時又話食蛋撻、雞蛋仔、菠蘿油，全場捧腹大笑，炒熱氣氛。Sammi 亦「V 姐」強勢登場，帶領眾女演員落力勁舞。Mandy（譚旻萱）一改清純形象，吊帶小背心跳舞，令人眼前一亮。她更自言預知能力，說：「我今日搭車嚟嘅時候，已經 picture 到 MV 場面就係咁，一模一樣！」Louise（廖子妤）原本以為在錄音室戴耳機拍攝，想不到現場佈置成 Disco 風格，她笑言：「我瘋狂聽呢首歌，好期待 MV。」

Fish（李芯駖）說：「我覺得好似上咗一堂健身堂，好攰呀！我本來諗住搖嚇郁嚇，但見到 Sammi 出盡力，好用力、好用力，我唔好意思喺佢旁邊⋯⋯所以我都用盡力。」她更表示，「我真係要向 Sammi 好好學習，咁我就會 fit 啲！」雖然電影已煞科了一段時間，但 Sammi 到場見到班女演員，仍能準確地說出她們的真實名字。她說：「拍戲時都有同場，雖然未必同每一位喺對白上有交流，但對每位演員有認識係基本。無論拍戲嘅時候，今日錄歌拍 MV 都好有團隊精神，最重要嘅靈魂人物『歡哥』黃子華，雖然佢今日無拍 MV，但佢嘅精神與我哋同在，respect ！」